Þjónusta
Stuðningsviðtal
Í viðtölunum er beitt tilfinningalegri nálgun út frá tengslum, trausti, tíma og tilverurétti þar sem lögð er áhersla á að mæta innri og ytri stöðu hverrar konu. Henni er gefið færi á að vinna með afleiðingar ofbeldisins sem hún er að takast á við, með því að fá staðfestingu, innsýn, leiðréttingu og samkennd. Í sameiningu er fundin rétt leið til uppbyggingar.
Hópastarf
Hópastarfi Sigurhæða er skipt upp í þrjár meðferðarlotur. Hver lota er 10 vikur í senn þar sem hópurinn hittist vikulega í einn og hálfan tíma hvert skipti. Hópurinn er lokaður og samanstendur af 7-9 konum sem skuldbinda sig eina lotu í senn. Fyrsta lota ber yfirskriftina VAL, önnur SÁTT og sú þriðja SÝN.
Lögregluþjónusta
Hægt er að fá viðtal við lögreglu sem fer fram í húsnæði Sigurhæða.
Túlkun og réttindafræðsla
Skjólstæðingar af erlendum uppruna fá túlkun sé þess þörf og fræðslu um réttindi þeirra í íslensku samfélagi.
Mannréttindaskrifstofa Íslands (MRSÍ) er samstarfsaðili Sigurhæða. Í samstarfinu felst lögfræðiráðgjöf fyrir brotaþola af erlendum uppruna og verður túlkun veitt án endurgjalds ef þarf. Gert er ráð fyrir að ráðgjöfin fari að mestu í gegnum fjarfundabúnað eða síma en einnig að ráðgjöf verði veitt á staðnum. Eitt mikilvægasta framlag MRSÍ verður að sinna réttindafræðslu fyrir brotaþola af erlenum uppruna.
Forviðtal
Elísabet Lorange teymisstýra og Helga Jóna fjölskyldumeðferðarfræðingur taka forviðtal þar sem greining fer fram á þörfum skjólstæðingsins. Tekið er mið af forsögu, reynslu, aðstæðum, stöðu og getu. Í lok viðtals mun meðferðaraðilinn og skjólstæðingurinn í sameiningu ákveða hvaða þjónusta hentar innan Sigurhæða og einnig hvort samstarf við aðra þjónustuaðila muni eiga sér stað og þá hvernig því yrði háttað.
Lögfræðiráðgjöf
Boðið er uppá tíma hjá lögfræðingi til að fá upplýsingar og ráðgjöf í húsnæði Sigurhæða um lagaleg álitaefni sem geta blandast inn í eða haft áhrif á málefni skjólstæðinga.
Sálfræðiþjónusta
Skjólstæðingum Sigurhæða er vísað í áfallameðferð að undangengnu hópastarfi ef þörf er talin á.
EMDR áfallameðferð (Eye Movement Desensitization and Reprocessing)
Skjólstæðingum Sigurhæða er vísað í áfallameðferð að undangengnu hópastarfi.
EMDR er heildstæð sálfræðileg meðferð sem þróuð var til að vinna úr afleiðingum áfalla.
Meðferðin er gagnreynd og árangursmiðuð. Þó að sumir þættir EMDR séu sameiginlegir öðrum meðferðarnálgunum, eru þarna atriði sem telja má einstök og tilheyra EMDR eingöngu.
Meðferðin samanstendur af átta hlutum sem skjólstæðingur er leiddur í gegnum, án áreynslu. Fjöldi skipta er sirka 5-8.
Rýmið
