Hópastarf
Hópastarfi Sigurhæða er skipt upp í þrjár meðferðarlotur. Hver lota er 10 vikur í senn þar sem hópurinn hittist vikulega í einn og hálfan tíma hvert skipti. Hópurinn er lokaður og samanstendur af 7-9 konum sem skuldbinda sig eina lotu í senn. Fyrsta lota ber yfirskriftina VAL, önnur SÁTT og sú þriðja SÝN.
VAL
Vinna að lífsgæðum
Skjólstæðingar vinna með stöðu sína sem þolendur ofbeldis í gegnum fræðslu, verkefni og munnlega og skapandi tjáningu.
Markmið
Innsýn í stöðu sína og annarra kvenna í svipuðum aðstæðum.
Aukin almenn og sértæk þekking á afleiðingum ofbeldis.
Frekari færni í að þiggja og veita stuðning.
Meiri skilningur á eigin líðan og hegðun.
Aukin geta til frekari úrvinnslu.
SÁTT
Stefnt í átt að Sigurhæðum
Skjólstæðingar halda áfram vinna með stöðu sína í sama hópi í gegnum verkefni, fræðslu og munnlega og skapandi tjáningu.
Markmið
Þjálfun í að svara á þarfir sínar og þrár.
Efla getu til að taka ábyrgð á líðan sinni og samskiptum.
Dýpka tilfinningatengsl í samböndum.
Skýrari sýn á sjálfið.
SÝN
Horft til framtíðar út frá nýrri sýn
Skjólstæðingar leggja drög að framtíð sinni útfrá persónulegri stöðu í tengslum við vonir, væntingar og gamla og nýja drauma. Hópurinn tekur þátt í að móta innri og ytri ramma hópastarfsins með það að leiðarljósi að viðhalda og dýpka þann skilning og færni sem áunnist hefur.
Markmið
Þjálfun í að tengjast löngunum og tjá þær.
Setja markmið útfrá heilbrigðri líðan, samskiptum og tengslum.
Tengjast eigin styrk og getu til að takast á við áskoranir.
Auka skilning á eigin þroska útfrá fyrri reynslum.
Tengjast nánar eigin ágæti og hæfileikum.
Skerpa sýnina á eigin tilgang og framlag.
Efla innri sátt og hugarró.